Plantun de Prouvènço

Pèr coumpara dos planto d'encò nostre

Teucrium flavum & Abies pinsapo

Teucrium flavum

Lamiaceae Labiaceae

Nom en français : Germandrée jaune.

Descripcioun :
Lou calamandrié-jaune es uno planto pelouso que sèmblo un pichot bouissoun. Li ramo soun drecho, forto e gaire ramificado. Li fueio dounon d'èr à-n-aquéli dóu pichot-chaine, emé si dènt redouno. Bonodi si flour jauno, es eisa de lou destria.

Usanço :
Sèmblo qu'a li mémis usanço que l'erbo-dóu-pichot-chaine. Es uno planto dicho depurativo e tounico ; lucho contro li fèbre e lis espaime.

Port : Pichoto planto lignouso
Taio : 30 à 80 cm
Fueio : óupousado
Tipe bioulougico : Emicriptoufite
Cicle bioulougico : Planto renadivo

Gènre : Teucrium
Famiho : Lamiaceae
Famiho classico : Labiaceae

Ordre : Lamiales

Coulour de la flour : Jauno
Petalo : irreguliero
Ø (o loungour) flour : 20 mm
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun

Liò : Roucaio - Esboudèu - Tepiero roucaiouso - Baus
Estànci : Termoumediterran à Subremediterran
Couroulougi : Estenoumediterranenco
Ref. sc. : Teucrium flavum L., 1753

Sapin(-d'Andalousìo)

Abies pinsapo

Pinaceae

Àutri noum : Sap, Sapino, Sapi, Abet.

Noms en français : Sapin d'Andalousie, Pinsapo.

Descripcioun :
Lou sapin-d'Andalousìo trachis naturalamen en Espagno e au Marrò. Au nostre es esta planta pèr lou rebouscage. Sèmblo à nosto sapino, Abies alba, pamens li fueio soun estacado tout à l'entour de la ramo coume uno brosso o un escoubihoun dóu meme biais que la serento. Lou bout di fueio soun un pau pougnènt e li bourroun resinous. Coumpara emé lou sapin dóu nostre e emé la serento que li pigno pendoulon.

Usanço :
Dèu agué li mémis usanço que la sapino.